Devo ke dev Mahadev, jinko aap alag alag namo se jante hai Hindu dharm mein Astha ka sabse bada Kendra Bindu hai. “Na Sammaan ka Moh Na Apmaan ka bhay” Himalay Mein, Parvato Mein, Gufaon Mein vas karne vale aur apne bhakt ke sachce dil se pukarne par chale aane vale, Bhagwan shiv ka sthan sabse upar hai. Hindu dharm Grantho Mein, Purano Mein, Kathao Mein jarur milta hai, chahe vo Treta Yuga ki baat ho jaha Khud bhagwan Ram ne Shivlinga ki pooja ki ho, Chahe DwaparYug Mein Bhagwan Krishna ne Shiv ki aradhna ki ho aur chahe SatYug Mein Bhagwan shiv ko anginat logon ne Prasann kiya ho. Agar aap Mahadev Shiv ke Mahatva aur Prabhav ko janna chahte hai to Apko 12 Jyotirlingas ke bare jarur janna chahiye. Is Series Mein hum Janenge 12 Jyotirlinga ki Kahani jinka Jikra Pauranik Kathao mein milta hai.