Waise toh ‘Heer-Ranjha’ ki kahaani ko introduction ki zaroorat nahi hai. Shayad, duniya mein pyaar karne wala har insaan is naam se waakif hai. Yeh kahaani un kahaaniyon mein se hai jo hume batati hai ki sacche pyaar ki kabhi haar nahi hoti. Log aaj tak ‘Heer-Ranjha’ ke pyaar kis kasmein khaate hai. Log kehte hai in dono ki aatmayein ek doosre se jud gayi thi.
Toh aaiye, sunte hai in dono ki kahaani:
Yeh baat tab ki hai, jab India aur Pakistan ek hi country hua karte the. Us samay Chinab nadi ke kinare ek Hazara naam ka gaav hua karta tha. Isi gaav mein Ranjha naam ke ladke ne janm liya, jiske teen bade bhai the aur sabhi milkar kheti ka kaam kiya karte the. Bade hone par Ranjha ne apna ghar chhod diya aur bhatakte bhatakte Jhang naam ke gaav ja pahucha jahaan use pehli nazar mein hi Heer se pyaar hogaya. Dono alag alag jaati ke the aur jaante the ki inka milan mushkil tha isi liye Heer ne apne pita se keh kar Ranjha ki naukri apne gaav mein lagva di aur isi bahane, dono chup chaap milne lage. Ek din inki chori pakdi gayi aur Heer ke parivaar ne Heer ki shaadi zabardasti kaheen aur karva di. Ranjha is sadme ki vajah se gaav gaav gaana gaate bhatakne laga aur ek din Heer ke sasuraal ja pahucha.
Dono ne jab ek doosre ka haal dekha toh unhone sath bhaag jaane ka plan banaya. Dono kaafi had tak bhaagne mein qamyaab bhi hogaye the lekin ant mein dono pakde gaye. Jin Raja ne inhe pakda tha unhone in dono ki shaadi karne ka aadesh de diya par yeh baat Heer ke chacha ko raas na aayi.
Unhone Heer ke khane mein zeher mila diya aur woh khaana khate hi heer ki maut ho gayi. Ranjha se baat bardasht nahi hui aur usne bhi wahi zeher wala khane kha ke apni jaan de di.
Dono pyaar mein amar ho gaye aur aaj bhi inki mazar Pakistan mein maujood hai.
Ek kahaani thi yeh aur ek kahaani hai Kuku FM par, jo ki hai Heer aur Ranjha with a modern twist.
Watch Trailer: Heer On Kuku FM
Suniye aur experience kijye Surbhi aur Ritwik ko as Heer aur Ranjha, only on Kuku FM.
0 Comments