മലയാള സാഹിത്യത്തിലെ ഒഴിച്ചു കൂടാനാവാത്ത അധ്യായമാണ് കവി ഒളപ്പമണ്ണ. സാഹിത്യത്തിന് പുറമേ സാംസ്കാരിക രംഗത്തും നിറഞ്ഞു നിന്നിരുന്നു കവി. പതിനാറാം വയസില് കവിയുടെ ജീവിത സഖിയായെത്തിയ ശ്രീദേവി ഒളപ്പമണ്ണ നിലാമുറ്റം എന്ന ഈ ഓര്മ്മക്കുറിപ്പിലൂടെ പങ്കുവെക്കുന്നത് കേവലം കവിയുടെ ഓര്മ്മകള് മാത്രമല്ല. അത് ഒരു നാടിന്റെ ഒരു കാലത്തിന്റെ ഓര്മ്മകളുടെ കൂടി ശേഷിപ്പാവുകയാണ്. തന്റെ പേരക്കുട്ടികളോട് ഒരു മുത്തശ്ശി പറയുന്ന കഥകള് പോലെ സരളമാണ് ഈ ഓര്മ്മക്കുറിപ്പ്.













