पॉडकास्ट तयार करणे एक कठीण काम नाही, परंतु चांगला पॉडकास्ट बनविण्यासाठी थोडा त्रास सहन करावा लागू शकतो. पॉडकास्ट चांगला असला पाहिजे हे तर प्रत्येक निर्मात्यास ठाउकच असते. चांगला पॉडकास्ट बनवावा अशीच त्यांची इच्छा सुद्धा असते. परंतु चांगला पॉडकास्ट नक्की “कसा” असावा हे पण माहिती असणे आवश्यक आहे. सोबतच चांगला पॉडकास्ट कसा बनवावा हे पण ठाऊक असणे गरजेचे आहे. पॉडकास्ट प्लॅटफॉर्मवर हजारो च्या संख्येने पॉडकास्ट असतात आणि सोबतच लाखोंच्या संख्येने श्रोते असतात. एखादा पॉडकास्ट हजारो लोकं ऐकतात, तर एखादा पॉडकास्ट काही शंभर लोक सुद्धा मुश्किलीने ऐकतात. कोणाता पॉडकास्ट चालायला सक्षम असतो हे त्याला किती लोकं ऐकतात यावरून ठरते. त्याला ऐकणार्‍या लोकांच्या संख्येतील फरक सूचित करतो की कोणता पॉडकास्ट चांगला आहे आणि कोणत्या पॉडकास्टमध्ये काही कमी अधिक प्रमाणात कमतरता आहे.
आपण जर पॉडकास्ट बनवत असाल तर आपणास देखील आपला पॉडकास्ट लाखो लोकांनी ऐकावा अशी इच्छा नक्की होत असेल. आपला पॉडकास्ट इतर पॉडकास्टइतकाच लोकप्रिय व्हावा असे देखील तुम्हाला वाटत असेल . अधिकाधिक लोकांना तुम्हाला ओळखावे आणि लवकरच आपल्याला वेगळी ओळख मिळावी अशी देखील इच्छा तुमची नक्कीच असेल. परंतु यासाठी, आपला पॉडकास्ट देखील वेगळा आणि अधिक चांगला असणे आवश्यक आहे. या लेखात, मी तुम्हाला सांगेन की एक चांगला पॉडकास्ट तयार करण्यासाठी कोणत्या पाच गोष्टी तुम्ही लक्षात ठेवल्या पाहिजेत. चला तर मग जाणून घेऊया.
1. कंटेंट डिझाइन
कंटेंट डिझाइन म्हणजे आपल्या पॉडकास्टची रचना किंवा ठराविक ढाचा. आपण आपल्या श्रोत्यांना जो कोणता कंटेंट देत आहात तो एका पद्धतशीर स्वरूपात आहे का? तो एका विशिष्ट क्रमाने प्रवाह तुमच्या पॉडकास्ट साठी उत्पन्न करतो आहे का ? तसे नसल्यास, आपल्या पॉडकास्टला एक चांगला पॉडकास्ट म्हटता येणार नाही. तसे नसल्यास लोकांना आपला पॉडकास्ट जास्त ऐकणे आवडणार नाही. चांगला पॉडकास्ट तयार करण्यासाठी आपल्या पॉडकास्टचा एक विशिष्ट क्रम असावा. तुमच्या श्रोत्यांना पॉडकास्ट चा कंटेंट एका विशिष्ट रचनेत समजून घेता आला पाहिजे. पॉडकास्ट साठी रेकॉर्डिंग करतांना त्याचा कंटेंट ठरवलेल्या कंटेंट च्या क्रमाने न जाता मागे-पुढे व्हायला नको. आपण स्क्रिप्ट किंवा कंटेंट ज्या स्वरूपात लिहिलेला आहे तसाच रेकॉर्ड करायल हवा. ह्यामुळे आपल्या पॉडकास्ट कडे श्रोत्यांचे मन लागून राहील. हे सुद्धा शक्य आहे की अधिकाधिक लोक यामुळे आपल्या पॉडकास्टकडे आकर्षित होतील.
2. नियमितता
आपले पॉडकास्ट चे भाग नियमित अंतराने श्रोत्यांना ऐकायला मिळाले पाहिजे. शक्यतोर आपण दर 3 दिवस किंवा आठवड्यात एक पॉडकास्ट रेकॉर्ड करण्याचा आणि प्रकाशित करण्याचा प्रयत्न करायला हवा. हे आपल्या श्रोत्यांना कळू देईल की आपण पॉडकास्टिंगमध्ये सक्रिय आहात. आपले पॉडकास्ट नियमित अंतराने येत असल्यास, आपले श्रोते त्याच्याशी कनेक्ट राहतील. नवीन लोकं तर तुमच्या श्रोतृवर्गात सामील होतीलच तसेच आपल्या जुन्या श्रोत्यांशी आपले संबंध दृढ होतील. पॉडकास्ट चे भाग हे नियमित अंतराने येत राहणे चांगल्या पॉडकास्टचे लक्षण आहे. हे आपल्या कार्यक्रमांमध्ये प्रवाहीपण आणि श्रोत्यांची आवड कायम ठेवेल. आपले श्रोते दिलेल्या निश्चित वेळी आपल्या पॉडकास्टची प्रतीक्षा करतील आणि हे तुमच्या पॉडकास्ट ची सक्रियता देखील दर्शवेल.
3. मुद्यांपासून दूर जाऊ नका
चांगला पॉडकास्ट बनविण्यासाठी आपण कोणत्या मुद्द्यांची निवड करत आहात याबद्दल आपल्याला स्पष्ट माहिती असणे आवश्यक आहे. आपल्याला त्या मुद्द्यांची संपूर्ण माहिती मिळवावी लागेल. आपल्याला आपल्या कंटेंट मधील सर्व बारीक मुद्दे माहित असले पाहिजेत. आपल्याला आपले मुद्दे लक्षात घेऊन संपूर्ण कंटेंट तयार करावा लागेल. आपण एखादा मुद्दा निवडला आणि नंतर त्यापासून अन्य कोणत्याही इतर विषयाकडे वळल्यास आपला पॉडकास्ट ऐकणार्‍याला पॉडकास्ट सुसंगत वाटणार नाही. आपल्याला एखादा विषय निवडावा लागेल आणि आणि पूर्ण पॉडकास्ट तोच विषय डोक्यात घेऊन संपूर्ण पॉडकास्ट बनवावा लागेल. आपल्या श्रोत्यांना या मुद्यांना धरून नसलेला पॉडकास्ट आवडणार नाही. यामुळे कदाचित आपले श्रोते लवकरच आपल्या पॉडकास्ट पासून दूर जाऊ शकतात. म्हणूनच पॉडकास्ट चा कंटेंट मुद्देसूदच ठेवायला ठेवा.
4. आपल्या श्रोत्यांना समजून घ्या
आपण एक पॉडकास्ट कंटेंट निर्माता असल्याने आपण आपल्या श्रोत्यांना समजणे फार महत्वाचे आहे. आपल्या पॉडकास्टची प्रसिद्धी आपल्या श्रोत्यांवर अवलंबून आहे. आपल्या श्रोत्यांना जाणून घेण्याचा प्रयत्न करा. त्यांना कोणत्या प्रकारचा कंटेंट हवा आहे ते समजून घ्या. एकदा आपल्याला त्यांची आवड माहिती झाल्यावर एक चांगला पॉडकास्ट बनवण्यासाठीचा रस्ता आपल्यासाठी सुलभ होतो. आपल्याला फक्त श्रोत्यांच्या इच्छेनुसार कंटेंट तयार करणे गरजेचे आहे. आपल्या श्रोत्यांना जर आपला कंटेंट आवडला तर ते शक्य तितका जास्त तुमचा कंटेंट सामायिक करतील. जर आपल्या श्रोत्यांना आपला पॉडकास्ट आवडत असेल तर तो एक चांगला पॉडकास्ट मानला जाईल. आपल्या श्रोत्यांना अधिक चांगल्या प्रकारे समजण्यासाठी येथे क्लिक करा.
5. प्रामाणिक कंटेंट
लक्षात ठेवा की आपण चांगला पॉडकास्ट बनविण्याच्या स्पर्धेत चुकीचा कंटेंट तयार करता कामा नये. चांगल्या पॉडकास्टसाठी अस्सल कंटेंट असणे खूप महत्वाचे आहे. आपल्या कंटेंटमध्ये तथ्य असले पाहिजे. आपल्या पॉडकास्टमध्ये कोणतीही खोटी किंवा बनावट बातमी असायला नको. तसेच, आपल्या पॉडकास्टमध्ये समाजातील कोणत्याही घटकासाठी हीन भावना तुम्ही दर्शवता कामा नये. आपला कंटेंट संतुलित आणि अस्सल गोष्टींवर आधारित असायाला हवा.
0 Comments