"That's one small step for man, one giant leap for mankind." - Yeh woh alfaaz hai, jinhe Neil Armstrog ne chaand par kadam rakhte hi kahe the. Yeh pehle insaan bane jinhone chaand par kadam rakha. NASA aur American government ne International Space Race mein ek naya mukaam haasil kar liya. Aur yeh mumkin hua tha is naujaavan ke jazbe se jiska safar ek aeronautical engineer, naval aviator se hokar Korean War mein ek fighter pilot aur aage chalkar legendary Astronaut par aa ruka jisne maanav itihaas mein apna naam hamesha ke liye darz kara liya. Chaliye jaante inka chaand tak ka safar.