Jai Bhim! Kalam aur shiksha ki taaqat se kya nahi haasil kiya jaa sakta hai, iska jeeta jaagta udaahran hai voh soch jinka naam hai Bharat Ratna Shri Bhimraoji Ambedkar. Bharat ka sanvidhaan inhi ki den hai. Harijan samaj mein janm lene wale yeh mahaapurush ka jeevan ek bahut badi aur anokhi prerna hai. Barabar jeene ka haq, equality aur apne adhikaaro ke liye kisi ke aage na jhukna aur aakhri saans tak apne karm ko karte jaana hi inke vyaktitva ki paribhaasha hai. Peshe se ek vakeel, mahavigyaani aur pichdi jaati ke lokneta - B.R. Ambedkar ek amar buland shakti hai jisne sabhi ko ek sareeka jeene ki umeed aur hausla diya. Aaiye jaante hai, inke aadarshvaadi jeevan ke baare mein.