“Shree Jagannath Mandir Puri” mei is waqt ha-ha-kaar macha tha. Duniya bhar mein andhera chaa gaya tha aur Antriksh se Dharti tak bhayanak aawazein aa rahi thi. Barish, toofan, bijli aur bhookamp se Dharti pareshan thi aur ek jhatke mei bijli ke dheron device dhwast ho gaye. 12 saal baad, aaj Bhagwan Shree Jagannath Ji ki moorti se wo “Brahma-Padarth” badla jaana tha, jise is poori duniya ka dil, Shree Krishna ka dil kaha jaata tha. Theek usi waqt Mandir ke Pujari se hui ek aisi galti, jisne poori duniya mein tabahi macha di. Shree Krishna ke dil se nikli wo “Brahma-Shakti” gayab thi aur us dil ko Shaitani taaqaton ne apne kabze mei le liya tha. Aakhir kya hai bhagwan Shree Krishna ke dil ka ye raaz, jiske gayab hote hi duniya Trahi -Trahi karne lagi? Abhi sunein “श्री कृष्ण“: The Heart of the Universe”