College me Shweta ka pahla din hai, lekin ragging ke dar se wah college ke andar nahin ja rahi hai. Param ka group Shweta ki madad karta hai aur wah ragging se bach jaati hai. Lekin Shweta man me Param ke group ke prati kharab hi sochti hai aur doosre din baat na karne ka faisla karti hai. Wahin doosre din khud Param ka group usse poori tarah anjaan behave karta hai. Shweta ko apni galti ka ehsaas hota hai aur wah unse dosti karna chahti hai. Lekin Param ke group se dosti karna mushkil hi nahin namumkin hai. Jab yah baat Shweta ko pata chalti hai, to wah thaan leti hai ki is group se dosti karke rahegi. Akhir aisa kyon hai ki Param ka group nae logon ko dost kyon nahin banata? Yah group jaruratmand logon ki sahayta to karta hai lekin kisi se judte nahin hai! to kya Shweta is group se dosti kar paegi? Agar dosti ho jati hai, to lya Param aur Shweta ka rishta dosti se aage badh paega? Janane ke liye sune poori kahani.